“Соёлын бүтээлч сар-2023” аяны хүрээнд МБШТ Гандантэгчэнлин хийдтэй хамтран “Дүншигийн чуулган” тусгай үзэсгэлэнг үзэгч та бүхний оюуны мэлмийд хүртээж байна.

Та бүхэндээ 2023-2024 оны хичээлийн шинэ жилийн өдрийн мэнд хүргэе. Монгол Улсын Ерөнхийлөгчийн 2017 оны 25 дугаар зарлигаар жил бүрийн 9 дүгээр сарын 1-ний өдрийг “Эх хэлний өдөр” болгон тэмдэглэдэг уламжлалтай. Соёлын яам нь чиг үүргийн хүрээнд иргэдийн Монгол хэл, бичгийн түвшнийг жигд дээшлүүлэх, салбарын төрийн албан хаагчид үндэсний бичгээ бүрэн хэрэглэж сурах нөхцөл бололцоог бүрдүүлэх, иргэдийн эх хэл, бичиг үсэг, түүх соёлын мэдлэгийг гүнзгийрүүлэн, өв соёлоо хайрлан хамгаалж, хөгжүүлэн дэлгэрүүлдэг үндэсний үзэлтэй иргэнийг төлөвшүүлэх бодлого баримтлан ажиллаж байна. Энэ жил бид нийт ард түмэндээ хандаж, “Үндэсний бичгээ сурч, хос бичигтэн болцгооё” хэмээн уриалж байна. #үндэснийбичгээсурчхосбичигтэнболцгооё

"НҮҮДЭЛЧИН" ДЭЛХИЙН СОЁЛЫН ФЕСТИВАЛЬ - 2023 үйл ажиллагаа 8-р сарын 18-20-ний өдрүүдэд амжилттай зохион байгуулагдлаа. Хүн төрөлхтний соёлын биет бус өвийн жагсаалт болон ЮНЕСКО-ийн яаралтай хамгаалах шаардлагатай соёлын биет бус өвийн жагсаалтад орсон Монголчууд бидний оршихуй болсон үнэт соёлын биет бус өвүүдээ өвлөн уламжлуулан, сурталчлан таниулан, түгээн дэлгэрүүлэх зорилготой НҮҮДЭЛЧИН дэлхийн соёлын фестиваль энэхүү гурван өдрийн турш та бүхэнтэйгээ, дэлхийн нүүдэлчидтэйгээ түүх соёл, ёс уламжлалаа олон улсад гайхуулан амжилттай болж өндөрлөлөө. Тус соёлын биет бус наадмын хүрээнд Г.Занабазарын нэрэмжит Дүрслэх урлагийн музей Соёлын биет бус өвийн 7 ай савын нэг “Уламжлалт гар урлал” өвийг хойч үедээ сурталчлан таниулах, өвлөн уламжлуулж таниуллаа.

2023.08.18-20-ны өдрүүдэд уулзацгаая НҮҮДЭЛЧИН ДЭЛХИЙН СОЁЛЫН ФЕСТИВАЛЬД ТАВТАЙ МОРИЛНО УУ? #Уламжлалт_гар_урлалын_өргөө_гэрт_уулзацгаая #Занабазарын_нэрэмжит_Дүрслэх_урлагийн_музей

ТАЙЖ ХАЙРХАНЫ БЭЛД НУТАГ НУТГИЙН ӨВЛӨН УЛАМЖЛАГЧИД ОТОГЛОН БУУЖЭЭ Энэ сарын 18-20-ны өдрүүдэд нийслэлийн Налайх дүүргийн Тайж хайрханы бэлд "Нүүдэлчин" дэлхийн соёлын фестиваль болох бөгөөд зохион байгуулагчдын зүгээс бэлтгэл ажлаа бүрэн хангаад байна. Тус фестивальд аймаг, нийслэлийн 1000 гаруй өвлөн уламжлагч, нүүдлийн соёл иргэншил бүхий гадаад улс орны төлөөлөл Монгол Улс, БНХАУ-ын ӨМӨЗО, Бүгд Найрамдах Унгар Улс, Бүгд Найрамдах Казахстан Улс, Бүгд Найрамдах Киргизстан Улс, Бүгд Найрамдах Солонгос Улс, ОХУ-ын Бүгд Найрамдах Буриад Улс, ОХУ-ын Бүгд Найрамдах Халимаг Улс, ОХУ-ын Бүгд Найрамдах Саха Улс, ОХУ-ын Бүгд Найрамдах Тува Улс, Бүгд Найрамдах Турк Улс, ЮНЕСКО болон олон улсын байгууллагын өвлөн уламжлагч, зочид төлөөлөгчид, нийтдээ 1100 гаруй нүүдэлчид хуран чуулах юм. Та бүхэн тавтай морилно уу

“НҮҮДЭЛЧИН” ДЭЛХИЙН СОЁЛЫН ФЕСТИВАЛИЙГ БАЙГАЛИЙН ҮЗЭСГЭЛЭНТ “ТАЙЖ ХАЙРХАН”-Ы ӨВӨРТ ЗОХИОН БАЙГУУЛНА Монгол Улсын Засгийн газрын 2023 оны 183 дугаар тогтоолын дагуу “Нүүдэлчин” дэлхийн соёлын фестивалийг энэ сарын 18-20-ны өдрүүдэд Улаанбаатар хотын Налайх дүүргийн 3-р хорооны нутаг дэвсгэрт орших “Тайж хайрханы бэл” хэмээх байгалийн үзэсгэлэнт газар зохион байгуулах гэж байна. “Алсын хараа-2050” Монгол Улсын урт хугацааны хөгжлийн бодлогод “Үндэсний оюун санаа, өв соёл, сэтгэлгээнд тулгуурласан бүтээгч монгол хүн төвтэй нүүдлийн соёл иргэншлийг хадгалсан тэргүүлэх улс болно”, Засгийн газрын 2020-2024 оны үйл ажиллагааны хөтөлбөрт “Соёлын өвийг дэлхий дахинд сурталчлах чиглэлээр олон улсын арга хэмжээг зохион байгуулна”, “Байгаль, түүх, соёлын аялал жуулчлалын эвент арга хэмжээнүүдийг тогтмол зохион байгуулж, цар хүрээг өргөжүүлнэ” гэж тус тус заасан байдаг. Нүүдлийн соёлын хосгүй илэрхийлэл болсон соёлын биет болон биет бус өв нь хүн төрөлхтний түүхийн уртад Монголчуудын соёлын дахин давтагдашгүй байдал, байгаль, цаг уур, газарзүйн онцлогтой уялдан үеэс үед өвлөн уламжлагдаж хөгжил дэвшлийн нэгэн илэрхийлэл болсоор байна. Гэсэн хэдий ч соёлын биет бус өвийг хадгалж хамгаалах асуудал хүн төрөлхтний нэн тулгамдсан зорилтын нэг болж, дэлхий нийтийн анхаарлын төвд байна. Монгол Улс Соёлын биет бус өвийг хамгаалах тухай ЮНЕСКО-ийн 2003 оны конвенцид 2005 онд нэгдсэн бөгөөд өөрийн нутаг дэвсгэр дээрх соёлын биет бус өвийг хамгаалах үүргийг олон улсын өмнө хүлээдэг билээ. Мөн соёлын биет бус өвийг хадгалж хамгаалах, түүнийг өвлөн уламжлагчийг тодруулах, алдаршуулах, авьяас билгийг хөгжүүлэх, олон нийтэд сурталчлан, түгээн дэлгэрүүлэх зорилгоор гурван жил тутам улсын хэмжээнд соёлын биет бус өвийн их наадмыг зохион байгуулж байхаар “Соёлын өвийг хамгаалах тухай хууль”-д заажээ. Ийнхүү олон улсын өмнө хүлээсэн чиг үүргийн дагуу 2018 онд Улаанбаатар хотын Хүй долоон худагт “Нүүдэлчин Монгол - 2018” соёлын биет бус өвийн их наадмыг ЮНЕСКО-ийн 2003 онд батлагдсан “Соёлын биет бус өвийн хамгаалах тухай Конвенц”-ийн зарчим, үзэл баримтлалын дагуу 5 ай савын хүрээнд 27 засаг захиргааны нэгжийн 2697 өвлөн уламжлагч, 2022 онд соёлын биет бус өвийн 7 ай савын 362 өвийн төрөл зүйлийн хүрээнд 23 угсаатан 1283 өвлөн уламжлагчийг хамруулан зохион байгуулсан билээ. Харин энэ удаа Монгол Улсын Засгийн газраас 2023-2024 оныг “Монголд зочлох жил” болгон зарласантай холбогдуулан энэхүү наадмыг олон улсын шинж чанартайгаар зохион зохион байгуулж байгаа бөгөөд энэхүү фестиваль нь Монгол Улсыг зорин ирэх жуулчдын урсгалыг жилээс жилд нэмэгдүүлэхэд ихээхэн хувь нэмэр оруулна гэж зохион байгуулагчид үзэж байна. “Нүүдэлчин” дэлхийн соёлын фестивальд нүүдлийн ахуйн уламжлал соёлтой улс орнуудыг урьж оролцуулснаар Монгол Улсыг хөгжүүлэх урт, дунд, богино хугацааны бодлогод туссан зорилт, арга хэмжээний хэрэгжилтийг хангаж, өөрийн орны онцлогийг дэлхий дахинд эергээр сурталчлан таниулах өвөрмөц өнгө төрх, хэлбэр агуулга бүхий олон улсад өрсөлдөхүйц соёлын арга хэмжээ бий болох зорилт тавьсан ажээ. Мөн хүн байгаль хоорондын харилцан шүтэлцээнээс бүрэлдэн тогтсон нүүдлийн ахуй амьдралын хэв маяг, түүнийг даган бий болсон соёлын биет бус өвийг дэлхий дахинд таниулах, түгээн дэлгэрүүлэх, сонирхогч талуудын хүрээг өргөжүүлэх, нүүдлийн соёл иргэншил бүхий орнуудын соёлын хамтын ажиллагааг хөгжүүлэх, соёл хоорондын харилцан ойлголцлыг нэмэгдүүлэх, нүүдлийн соёл, соёлын өвийн баялаг байдлыг сурталчлах, соёлын бүтээлч үйлдвэрлэл, соёлын аялал жуулчлалыг хөгжүүлэхэд нэн ач холбогдолтой юм. “Нүүдэлчин” фестивалийн хүрээнд 21 аймаг, нийслэлийн шилдэг өвлөн уламжлагчдын зан үйлийн үзүүлбэр, язгуур урлагийн тоглолт, гар урлалын үзэсгэлэн, соёлын биет бус өвийг таниулан сурталчлах арга хэмжээ, спортын үзүүлбэр, уралдаан, тэмцээн, соёлын бүтээлч үйлдвэрлэл, уламжлалт хоол хүнсний үзэсгэлэн худалдаа зэрэг олон талт арга хэмжээ болох юм. “Нүүдэлчин” дэлхийн соёлын фестивальд 21 аймаг, нийслэлийн 9 дүүргийн өвлөн уламжлагчдын отог, гадаадын 10 гаруй улс орны зочид төлөөлөгчид, дипломат төлөөлөгчийн газрууд, олон улсын байгууллагуудын төлөөлөл оролцох юм.

Тус үзэсгэлэнд Дүрслэх урлагийн музейн сан хөмрөгт хадгалагдаж байгаа урьд өмнө нь дэлгэгдэж байгаагүй бөгөөд 50 ширхэг цутгуур, 4 ширхэг шавар ингэмэл, 3 ширхэг модон сийлбэр, 15 ширхэг танка зураг, 4 ширхэг барын дардас, 1 ширхэг хатгамалаас бүрдсэн нийт 79 бүтээл тавигдана.

“Үндэсний бичиг үсгийн баяр-2023” арга хэмжээний хүрээнд зохион байгуулж буй Р.Отгонбаатарын цуглуулгын “Бичиг ном түүний эд өлөг” үзэсгэлэнгийн нээлтэд хүрэлцэн ирэхийг урьж байна.