БИДНИЙ ТУХАЙ
Аль ч улс үндэстэн өөрийн түүх, соёл уламжлал, ёс заншил, авъяас ур ухааныг илэрхийлсэн гайхамшигт өв дурсгалуудыг туурвин үлдээдэг. Нэгэн цагт дэлхийн хэмжээний хүчирхэг төр улсыг байгуулж, дорно өрнийг холбосон шинэ соёл иргэшлийг бий болгосон Монголын ард түмэн балар эртнээс орчин цаг хүртэлх урт удаан хугацаанд дүрслэх урлагийн бүхий л төрлөөр давтагдашгүй уран сэтгэмж, өвөрмөц содон билэгдэл дүрслэл бүхий арвин дурсгалуудыг цогцлоон үлдээсэн билээ.
Нүүдэлчин амьдралын өвөрмөц онцлог, харь гүрнүүдийн халдлага дайралт,байгалийн гамшиг, соёлын өвийн хулгай дээрэм зэргээс болж, үе үеийн урчууд, авьяастан билэгтнүүдийн бүтээсэн олон үнэт дурсгал, алдагдсан, үрэгдсэн, устаж үгүй болсон хэдий ч, хойч үеийн үр сад болон дэлхийн олон үндэстнүүдийн өмнө дэлгэн үзүүлэхэд чамлахааргүй арвин их өв дурсгал, бидний үед хадгалагдан үлджээ. Тэр бүхний дээж, сор нь болсон үнэт ховор үзмэр Г.Занабазарын нэрэмжит Дүрслэх урлагийн музейд хадгалагдаж буй бөгөөд үзмэрийн танхимд дэлгэн тавьснаасаа хэд дахин олон тооны ховор нандин бүтээл манай сан хөмрөгт хадгалагдаж байгааг дурдахад таатай байдаг.
Тус музейг үүсгэн зохион байгуулах ажил 1965 оноос эхлэж, 1966 оны 7-р сарын 23-ны өдөр анхны үзэгчдээ угтан авч, үйл ажиллагаагаа эхэлсэн түүхтэй. Нүүдлийн соёл иргэншлийн олон мянган жилийн түүхэн дурсгалууд, монголын ард түмний үе үеийн урчуудын хосгүй үнэт бүтээлүүдийг дотоод, гадаадын үзэгчдэд дэлгэн харуулж сурталчилдаг манай музей анх 300 гаруй үзвэртэй үүд хаалгаа нээж байсан бол, өнөөдөр монголын дүрслэх урлаг, нүүдэлчдийн соёл иргэншлийг сурталчлах, судлах, хамгаалах чиглэлээр дагнасан үйл ажиллагаа явуулдаг, үндэсний хэмжээний мэргэжлийн байгууллага болон бэхжсэн байна. 1989 онд тус орчин үеийн бүтээлийн хэсэг нь Уран зургийн галерей нэртэйгээр бие даан тусгаарлаж гарсан билээ. 1995 онд Өндөр гэгээн Г.Занабазарын мэндэлсний 360 жилийн ойгоор тус музейг, монголын шашин, төр, нийгмийн зүтгэлтэн,уран барималч, хэл шинжлэлтэн, соён гэгээрүүлэгч энэ их хүний нэрэмжит байгууллага болгосон юм.
Эдүгээ манай музей өөрийн сан хөмрөг болон үзүүллэгтээ нэн эртний үеэс ( МЭӨ 40 000 –10 0000 жил ) 20-р зууны эхэн үеийг хамарсан 20000 шахам үзмэр цуглуулгатай бөгөөд он дарааллын болон сэдэвчилсэн байдлаар төрөлжсөн 10 гаруй танхимд нийт үзмэрийнхээ 10 орчим хувийг дэлгэн үзүүлж байна. Одоогоор улсын хэмжээнд, түүх соёлын хосгүй үнэт ангилалд багтсан 200 орчим дурсгал байдгийн 70 орчим нь манай музейд хадгалагдаж байдаг. МЭӨ 2000 жилийн үед хамаарах янгирын толгойн дүрст бариултай хүрэл цутгамал илд, буган чулуун хөшөө, хадны сүг зурагнаас эхлээд есөн эрдэнийн болон шороон будгаар өнгө хослуулан зурсан бурхадын хөрөг,торгон зээгт наамал зэрэг дахин давтагдашгүй бүтээл дурсгалыг манай танхимд үзэн сэтгэл баясах боломжтой. Ган төмөр болон үнэт ховор металыг ширээх, цувих, цоолборлох хөөх хэлбэх зэрэг монгол дархны урлах эрдмийн гайхамшгийг илтгэн харуулсан хэт хутга, гаанс сэтгүүр, эмээл хазаарын чимэглэл, домбо, завьяа, Ерэнтэй дарханы урласан ган сийлбэрт хэт хутга, мөнгөн цутгуур, сангийн бойпор зэрэг үе үеийн урчуудын үнэт ховор бүтээлүүд манай сан хөмрөгт бий.
ЭРХЭМ ЗОРИЛГО
Монголын дүрслэх урлагийн зуун зууны шилдэг зураач,урчуудын уран бүтээл туурвилын сор,дахин давтагдашгүй үзмэрүүдийг дотоод гадаадын үзэгчдэд дэлгэн толилуулж, судалгааны гүнзгий үндэслэлтэйгээр тайлбарлан танилцуулахын зэрэгцээ хадгалан хамгаалах ажлыг мэргэжлийн өндөр түвшинд эрхэлдэг,үндэсний соёл урлагийн эрхэмсэг байхад оршино.
ҮЙЛ АЖИЛЛАГААНЫ СТРАТЕГИЙН ЗОРИЛГО, ЗОРИЛТ
- Үзүүллэг үйлчилгээний ажилд чанарын өөрчлөлт гаргах
- Музейн аж ахуй хангамж,техник төхөөрөмжийг шинэчлэн сайжруулах
- Материаллаг орчин, хөдөлмөрлөх нөхцлийг сайжруулах
- Музейн сан хөмрөгийн хадгалалт, бүртгэл мэдээлэл сэргээн засварлалт
ТЭРГҮҮЛЭХ ЧИГЛЭЛ
Г.Занабазарын нэрэмжит дүрслэх урлагийн музей нь үндсэн чиглэл, үзэл баримтлалын хүрээнд соёлын үнэт зүйлийг эрэн сурвалжилж, нээн илрүүлэх, олж авах, үзмэрийг бүртгэл баримтжуулах, музейн бүртгэл мэдээллийн сан бүрдүүлэх, үзүүллэг дэглэх, үйлчлэх, гадаад дотоодын үзэсгэлэн зохион байгуулах, боловсрол, танин мэдэхүйн ажил зохион байгуулах, сургалт зохион байгуулах, эрдэм шинжилгээ, судалгааны ажил эрхлэх, үр дүнг хэвлүүлэх, түгээх, гадаад хамтын ажиллагааг хөгжүүлэх, үзмэрийг гадаад, дотоод үзэсгэлэнд оролцуулах, иргэн, хуулийн этгээдийн эзэмшлийн соёлын дурсгалт зүйлийг түр хугацаагаар үзэсгэлэн, үзүүлэгт дэглэх ашиглах, музей хоорондын хамтын ажиллагааг хөгжүүлэх, хуулиар хориглоогүй бусад үйл ажиллагааг эрхлэн явуулдаг.
ЧИГ ҮҮРЭГ
Г.Занабазарын нэрэмжит дүрслэх урлагийн музей нь Монголын дүрслэх урлагийн зуун зууны шилдэг зураач, урчуудын сор, дахин давтагдашгүй үзмэр цуглуулгыг дотоод, гадаадын үзэгчдэд дэлгэн толилуулж, эрдэм шинжилгээ судалгааны болон урлагийн гоо зүйн мэдлэг мэдээллээр хангах үүрэг бүхий нийгэмд чиглэсэн соёл, гэгээрэл, судалгаа, аялал-танин мэдэхгүй үйлчилгээ эрхэлдэг төрийн өмчит соёл, шинжлэх ухааны байгууллага юм.
ЭДИЙН ЗАСАГ, НИЙГМИЙН ХӨГЖЛИЙН ҮЗҮҮЛЭЛТ
Энд дарж үзнэ үү.
БҮТЭЦ ЗОХИОН БАЙГУУЛАЛТ
Удирдлага
Г.Занабазарын нэрэмжит Дүрслэх урлагийн музейн захирал
Пүрэвсүх овогтой Байгалмаа /Доктор Ph.D/
Г.Занабазарын нэрэмжит Дүрслэх урлагийн музейн захирал
1986-1990 онд ДУДС-ийг зураасан зургийн мэргэжлээр төгссөн.
1996-2000 онд МУИС-ийг урлаг судлаач, багш мэргэжлээр
2001-2003 онд МУИС, Урлаг судлалын ухааны магистр
2008-2012 онд БНХАУ-ын ӨМӨЗО-ны ӨМИС-д докторын зэрэг хамгаалсан.
Ажлын туршлага:
1990-1996 онд Б. Шаравын нэрэмжит Хэвлэл чимэглэлийн үйлдвэрт зураач
2000-2008 онд Г. Занабазарын нэрэмжит Дүрслэх Урлагийн музейд зураач, урлаг судлаач
2014-2016 онд МУЭ-д хүний нөөцийн мэргэжилтэн
2016 он СУИС-ийн Д.Амгалангийн нэрэмжит Дүрслэх Дизайн Урлагийн Сургуульд багш, эрдэмтэн нарийн бичгийн дарга
2017-2020 СУИС-ийн Д.Амгалангийн нэрэмжит Дүрслэх Дизайн Урлагийн Сургуулийн Дүрслэх урлаг, онол түүхийн тэнхимийн эрхлэгч
2020 оноос Г.Занабазарын нэрэмжит Дүрслэх урлагийн музейн захирал
Бие даасан үзэсгэлэн:
2005 “Салхин аялгуу” бие даасан үзэсгэлэн МУЭ-ийн Арт Галлерей, Улаанбаатар
2008 “Сэтгэлийн цэцэрлэг” бие даасан үзэсгэлэн, Занабазарын нэрэмжит Дүрслэх урлагийн музейн үзэсгэлэнгийн танхим, Улаанбаатар
2011 “Өвгөдийн шүтээн” бие даасан үзэсгэлэн, Хятад, Хөх хотын төв номын
сангийн үзэсгэлэнгийн танхим
2019 “Дээд үүд” бие даасан уран бүтээлийн үзэсгэлэн, МН17 арт галерей
Шагнал:
2006 Монголын урчуудын эвлэлийн тэргүүний ажилтан
2008 Монгол улсын соёлын тэргүүний ажилтан
2009 “Дүрслэх урлагийн шилдэг бүтээл”-ийн шагнал
2017 Хөдөлмөрийн хүндэт медаль
2018 “Орон зай” нийгэмлэгийн шилдэг бүтээлийн “Мөнгөн бүс” шагнал
2019 СУИС-ийн “Шилдэг уран бүтээлч багш”
Хамтарсан үзэсгэлэн:
1991, 1995, 1999, 2000, 2004, 2005 Хавар” МУЭ-ийн Арт Галерей, Улаанбаатар
1991, 1999, 2004, 2005, 2006, 2007, 2016, 2019, 2021 “Намар” МУЭ-ийн Арт Галерей, Улаанбаатар
1994, 2004, 2005, 2006, 2007, 2008, 2014, 2015, 2016 Эмэгтэй уран бүтээлчдийн үзэсгэлэн МУЭ-ийн Арт Галерей, Улаанбаатар
1994 Эмэгтэй уран бүтээлчдийн үзэсгэлэн, Герман
1999 Олон улсын эмэгтэй уран бүтээлчдийн “Нийгэм ба эмэгтэйчүүд” үзэсгэлэн МУЭ-ийн Арт Галлерей, Улаанбаатар
2000 Болгар улсын элчин сайдын яаманд “Жигүүр” уран бүтээлийн хамтарсан үзэсгэлэн
2004 Чингис хааны таалан соёрхсон Монгол төрийн бичиг хэрэглэсний 800 жилийн ойг тэмдэглэх Монгол улсын ерөнхийлөгчийн зарлиг гаргасантай холбогдуулан зохион байгуулагдсан “Монгол бичиг” үзэсгэлэн МУЭ-ийн Арт Галерей, Улаанбаатар
2004 “График” График зураачдын нийгэмлэгийн үзэсгэлэн МУЭ-ийн Арт Галерей, Улаанбаатар
2004, 2005, 2007, 2008, 2016, 2019 “Шилдэг уран бүтээл” МУЭ-ийн Арт Галерей, Улаанбаатар
2005 Европын холбооны улсаар зохион байгуулагдсан Монголын уран бүтээлчдийн үзэсгэлэн. Болгар, Унгар, Польш, Чех,
2005 Зүүн Өмнөд Азийн уран бүтээлчдийн VIII үзэсгэлэн, Солонгос, Кангвон
2007 “Талын үнэр, далайн салхи” Монгол Солонгосын уран бүтээлчдийн уламжлалт хамтарсан үзэсгэлэн Солонгос, Жежү
2007 Монгол, Солонгос, Японы уран бүтээлчдийн хамтарсан үзэсгэлэн, Япон, Канагава
2007 “Би, бид” олон улсын зураачдын үзэсгэлэн МУЭ-ийн Арт Галерей, Улаанбаатар
2007 МУЭ-ийн 65 жилийн ойд зориулсан “Монгол зураач 65” үзэсгэлэн МУЭ-ийн Арт Галерей, Улаанбаатар
2008 “Нүүдэлчин” орчин үеийн үзэсгэлэн, АНУ, Сан Франциско, Сом арт Майн галерей
2011”Урлан 10”, Улаанбаатар, МУЭ-ийн Арт Галлерей, Улаанбаатар
2012 “27 дах удаагийн Азийн олон улсын үзэсгэлэн”, Тайланд, Банког хот.
2013 “Ертөнцийн гэгээ” эмэгтэй уран бүтээлчдийн үзэсгэлэн, 976 арт галерей, Улаанбаатар
2013 “Эхийн сэтгэл”, хамтарсан үзэсгэлэн, Цагаан дарь галерей, Улаанбаатар
2013 “Фужи уулын 14 төрх” хамтарсан үзэсгэлэн, Маршал арт галерей, Улаанбаатар
2013 “Дүнжингаравын урчууд” Төв аймаг, Зуу мод хот
2013, 2016, 2018 “Монголын сайхан орноор” МУЭ-ийн Арт Галлерей, Улаанбаатар
2014 19 дэх удаагийн Jaalaгийн олон улсын үзэсгэлэн, Япон, Кавасимата хот
2014 ”Хайр эмэгтэйчүүдийн урлагт-XI” Олон улсын эмэгтэй уран бүтээлчдийн үзэсгэлэн.Уран зургийн галерей, Улаанбаатар
2014 “Гранд арт” Монгол Солонгосын зураачдын хамтарсан үзэсгэлэн, Уран зургийн галерей, Улаанбаатар
2014 “Фужи уулын 14 төрх” хамтарсан үзэсгэлэн, Япон, Шизуока муж, Родены нэрэмжит уран зургийн галерей
2014 “Төв нутгийн өнгө-2014” үзэсгэлэн, Best галерей, Улаанбаатар
2016 “Торгоны зам” олон улсын үзэсгэлэн, ӨМӨЗО, Хөх хот
2016, 2017, 2018, 2019, 2022 “Орон зай” СУИС-ийн Д.Амгалангийн нэрэмжит ДДУС-ийн уран бүтээлч багш нарын үзэсгэлэн МУЭ-ийн Арт Галерей, Улаанбаатар
2018 Өмнөд Солонгосын “Shin Jahk Jeon Hoe” зураачдын холбооны 36 дахь үзэсгэлэн, Солонгос
2019 “Монгол улс, БНХАУ-ын хооронд дипломат харилцаа тогтоосны 70 жилийн ойн үзэсгэлэн” Бээжин хот, БНХАУ
2019 “Hatyai international artist camp 2019” Тайланд
2019 “ Art connect international Art camp 2019” Малайз
2021 ”Phuket art 2021” Олон улсын үзэсгэлэн, Тайланд, Бангкок
Холбогдох :
Цахим шуудан: baigalart2@gmail.com
Утасны дугаар: 976-99144492, 11-326060
Г.Занабазарын нэрэмжит Дүрслэх урлагийн музейн Захиргаа, аж ахуйн хэлтсийн дарга
Зуут овогтой Аюушийн Содномцэвэл /Төрийн удирдлагын магистр/
Г.Занабазарын нэрэмжит Дүрслэх урлагийн музейн Захиргаа, аж ахуйн хэлтсийн дарга
1988-1998 онд Дундговь аймгийн 10-н жилийн 1 дүгээр дунд сургууль
1999-2003 онд Хэл судлаач дээд сургуулийг Хятад хэлний орчуулагч, багш
2020-2021 онд Хүний нөөцийн удирдлага, шинэчлэлийн академи- Төрийн захиргааны удирдлага, Хүний нөөцийн ажилтан
2021-2022 онд Монгол Улсын Их Сургууль, Төрийн удирдлагын магистр
Ажлын туршлага:
2003-2004 онд Дундговь аймгийн “Дэлхийн зөн” ОУБ-д хөтөлбөрийн ажилтан
2005-2010 онд Дундговь аймгийн “Говийн ирээдүй цогцолбор” сургуульд багш
2011-2013 онд Улаанбаатар хот, Дэлхийн зөн ОУБ, Хан-Уул ОНХХ-т системийн ажилтан
2014 оноос Г. Занабазарын нэрэмжит Дүрслэх Урлагийн музейд менежер, хэлтсийн дарга
Оролцсон үзэсгэлэн:
-Нууцын эзэн
-Ач авралт охин тэнгэрүүд ба Дара эх
-Өндөр гэгээний 5 дүр
-Хот мандал
-Догшидын аврал
-Арван хангал
-Эрдэнэ болсон 3 сахиус
-Хөгжмийн зэмсгүүд
-Дөрвөн улирлын дуун
-Бүсгүйчүүдийн дүр дүрслэх урлагт
-Японы зурагт хуудас
-Монголын нэг өдөр
-Уул овоо тахих ёс
-Хөх тэнгэрт мандсан наран
-Туульс
-Зээгт наамал
-Үлгэрийн цаг
-Хайр агаар
- 21 дара эх
-Торгонд амилсан шүтээн урлаг
-Монгол наадам
-Язгуурын таван шүтээн
-Урлахуй, Шүтэхүй, Гэгээрэхүй
Шагнал:
2014 онд Соёл, спорт, аялал жуулчлалын яамны “Жуух бичиг”
2016 онд Чингэлтэй дүүргийн “Хөдөлмөрийн алдар” хүндэт медаль
2021 онд Ардын хувьсгалын 100-н жилийн ойн медаль
2021 онд Монгол улсын соёлын тэргүүний ажилтан
2022 онд Дундговь аймгийн 80-н жилийн ойн медаль
Холбогдох :
Цахим шуудан: ayushsodoo@gmail.com
Утасны дугаар: 976-91112366
Гадаад харилцаа, олон нийттэй харилцах хэлтсийн дарга
Цэвэлмаа овогтой Баттуяа /Урлаг судлалын ухааны магистр/
Гадаад харилцаа, олон нийттэй харилцах хэлтсийн дарга
1987-1991 ДУДС-ийг Зураач
1992-1994 ДУК-ийн Монгол зургийн ангийг Бакалавр
1996-1998 СУИС-ийг Урлаг судлалын Магистр
Ажлын туршлага:
1994-1999 Зураач, эрдэм шинжилгээний ажилтан: Г.Занабазарын нэрэмжит Дүрслэх урлагийн музей
1997-1998 Багш: МУБИС-ийн үндэсний урлагийн тэнхим
1999-2002 Дизайнер: Diamond Bindi. Co.,Ltd company , LA. USA
2003-2010 Захирал: “ Классик ” ХХК
2011-2022 Багш: СУИС-ийн Бадмаараг ахлах сургууль
2022 оноос ГХОНХХ-н дарга: Г.Занабазарын нэрэмжит Дүрслэх Урлагийн музей
Бие даасан үзэсгэлэн:
1995-1998 “Шивнээ” уран бүтээлийн үзэсгэлэн Г.Занабазарын нэрэмжит ДУМузейд
2001 Бие даасан уран бүтээлийн үзэсгэлэн АНУ-ын Санта Моника хотод
2002 Бие даасан уран бүтээлийн үзэсгэлэн West Los Angeles College, АНУ-ын Кульвер хотод
2003 Бие даасан Монгол зургийн үзэсгэлэн АНУ-ын Лос Анжелес хотод
2013 Бие даасан уран бүтээлийн үзэсгэлэн Гүрү арт галерейд
2019 “Шивнээ” уран бүтээлийн үзэсгэлэн “Бум” арт галерейд
Хамтарсан үзэсгэлэн:
1993 “Гомбо Махагала”, “Занабазарын хөрөг” Францын Гиммейн музейд
1995 Уран бүтээлийн үзэсгэлэн АНУ-ын ЭСЯаманд
1996 Монгол эмэгтэй зураачдын үзэсгэлэн Голландад
2014 “EURASIA Art Express project” үзэсгэлэн БНСУ-ын Тэжон хотод
2014 “INTERNATIONAL ARTS EXCHANGE” үзэсгэлэн БНСУ-ын Тэжон хотод
2014-2018 “Монгол зураг” нийгэмлэгийн үзэсгэлэн
2022 “Саарал хайрцаг” эмэгтэйчүүдийн үзэсгэлэн, МУЭХороо
Гавьяа шагнал:
2017 БСШУЯ-ны “Боловсролын тэргүүний ажилтан”
2019 БСШУЯ-ны “Соёлын тэргүүний ажилтан”
Холбогдох :
Цахим шуудан: tsbattuya@yahoo.com
Утасны дугаар: 976-99726327
Бүртгэл мэдээллийн санч, Эрдэм шинжилгээ судалгаа, сан хөмрөгийн хэлтсийн даргын үүргийг түр орлон гүйцэтгэгч
Тэгшжаргал овогтой Энхжаргал /СУИС-ын соёл судлалын докторант/
Бүртгэл мэдээллийн санч, Эрдэм шинжилгээ судалгаа, сан хөмрөгийн хэлтсийн даргын үүргийг түр орлон гүйцэтгэгч
1. 1992-2002 онд Өвөрхангай аймгийн 10 жилийн дунд сургууль.
2. 2002-2006 онд Соёлын дээд сургуулийг “Музейн ажлын арга зүй-жуулчлал зохион байгуулагч мэргэжлээр” бакалавр.
3. 2011 онд Монголын урлагийн зөвлөлөөс АНУ дахь Монголын Урлагийн Зөвлөлийн хамтран хэрэгжүүлсэн “Соёл Урлагийн Залуу Манлайлагч” хөтөлбөр.
4. 2013 онд ЮНЕСКО/Япон Итгэлцлийн сан: Монголын музейн тогтвортой хөгжлийн чадавх дээшлүүлэх төсөл “Үндэсний сургагч багш”.
5. 2014 онд СУИС-ын Соёл иргэншлийн сургууль “музейн сан хөмрөгийн бүртгэл баримтжуулалтын тулгамдсан асуудал, шийдвэрлэх арга зам” сэдвээр магистрын зэрэг хамгаалсан.
6. 2023 онд СУИС-ын соёл судлалын докторант
Ажлын туршлага:
2007 он Г.Занабазарын нэрэмжит Дүрслэх урлагийн музейн нарийн бичгийн дарга
2007 оноос хойш Г.Занабазарын нэрэмжит Дүрслэх урлагийн музейн бүртгэл мэдээллийн санч
2012-2019 онд музейн дотоод хяналт шалгалтын ажилтан
2013-2019 он музейн өмч хамгааллын зөвлөлийн дарга
2022 оноос Эрдэм шинжилгээ, судалгаа сан хөмрөгийн хэлтсийн даргын ажлыг түр орлогч
2023 оноос музейн сан хөмрөгийн зөвлөлийн дарга
Шагнал:
2013 МУССАЖЯамын жуух бичиг
2015 он Монголын залуучуудын холбооны цол тэмдэг
2017 Үйлдвэрчний эвлэлийн хорооны хүндэт тэмдэг
2017 Соёлын тэргүүний ажилтан
Судалгааны ажил, ном, өгүүлэл:
- Т.Энхжаргал. Өнөөдөр сонинд “Майдар эргэх ёслол”, “Хүрээ цам”, “Нэг өдрийн явдал” сэдвээр нийтлэл бичсэн 2010он.
- Т.Энхжаргал “Эх Ханджамц, Өөрийн хөрөг” монгол зураг. Музейн мэдээлэл сэтгүүл. МҮМ. Мэргэжил-арга зүй, мэдээллийн сэтгүүл. 2010№03. Тал.25.
- Т.Энхжаргал. Монгол дахь Үндэсний сургалт семинар. Музейн мэдээлэл сэтгүүл. МҮМ. Мэргэжил-арга зүй, мэдээллийн сэтгүүл. УБ.,2011. VII сар. №05. Тусгай дугаар
- Т.Энхжаргал. Г.Занабазарын нэрэмжит Дүрслэх урлагийн музейн сан хөмрөгийн бүрдүүлэлт. Музейн мэдээлэл сэтгүүл. МҮМ. Мэргэжил-арга зүй, мэдээллийн сэтгүүл. 2014.V сар. №09. Тусгай дугаар.
- Т.Энхжаргал. Дүрслэх урлагийн музейн үзмэрийн баяжилт, сан хөмрөгийн бүрдүүлэлт. УБ.,2014. “Монголын музейн хөгжил, шинэчлэл-90 жил” эрдэм шинжилгээний бага хурлын эмхэтгэл. Тал.60-63.
- Т.Энхжаргал. Г.Занабазарын нэрэмжит Дүрслэх урлагийн музей-2012. Ред.Д.Уранчимэг. Музейд байнга хэрэглэгддэг зарим нэр томьёо. УБ.2015. Тал.52-58.
- Т.Энхжаргал, Ж.Мөнхзул, Д.Гоомарал. Ач авралт охин тэнгэрүүд ба дара Ред. Г.Лхагвадулам, Х.Цэрэнбямба. УБ.,2015.
- Т.Энхжаргал, Б.Оюунчимэг, Ц.Солонго. Номыг тэтгэгч Улаан сахиус. Эрдэнэ болсон гурван сахиус. Ред. Д.Дашдулам, У.Сарантуяа. УБ., 2016
- Т.Энхжаргал., Музей ба Дэлгүүр. Музейн мэдээлэл сэтгүүл. МҮМ. Мэргэжил-араг зүйл, мэдээллийн сэтгүүл. 2016.XII сар. №12.
- Т.Энхжаргал., Монголын музейн сан хөмрөгийн бүртгэл баримтжуулалтын товч түүх, өнөөгийн байдал. Музей судлал. МҮМ. Tomus XVII. УБ.,2016
- U.Sarantuya, T.Enkhjargal. Masks and costumes of the Mongolian Tsam in G.Zanabazar Fine Arts Museum. Costume collections in the museum of Eurasia: the study and interoretation,. Bursa.2017
- Т.Энхжаргал, Б.Оюунчимэг. Бурхдын орон хот мандал. УБ., 2017
- Т.Энхжаргал. Г.Занабазарын нэрэмжит Дүрслэх урлагийн музейд хадгалагдаж байгаа цамын багийн судалгаа. МҮМ.Нүүдлийн өв. Tomus XX-II. Fasciculus 1-119. УБ.,2019
- Т.Энхжаргал. Г.Занабазарын нэрэмжит Дүрслэх урлагийн музейн түр үзэсгэлэнгийн түүхэн тойм. Музей судлал. Tomus XX-I. Fasciculus 1-25. УБ., 2020
- Т.Энхжаргал. Г.Занабазарын нэрэмжит Дүрслэх урлагийн музейд хадгалагдаж буй Д.Дамдинсүрэнгийн уран бүтээлийн тухай. МҮМ. Мэргэжил-араг зүйл, мэдээллийн сэтгүүл. 2016.XII сар. №12. УБ., 2020
- Т.Энхжаргал. Монголын бурхан шашны шүтээн зураг буюу танка. Монгол улсын хосгүй үнэт үзмэрийн дээжис. Монгол банк. Эрдэнэсийн сан. УБ., 2020
- Т.Энхжаргал. Д.Дамдинсүрэнгийн “Хүрээ цам” хоёр бүтээлийн тухай. Соц-Реализм Монголын дүрслэх урлагт" сэдэвт Эрдэм шинжилгээний хурлын эмхэтгэл. УБ., 2021
- Т.Энхжаргал. Музейн сан хөмрөгийн бүртгэл баримтжуулалтын үүрэг, бүрэлдэхүүн хэсгүүд. Музей судлал. Tomus XXII-I. Fasciculus 1-25. УБ., 2021
- Т.Энхжаргал. Г.Занабазарын нэрэмжит Дүрслэх урлагийн музей. Дүншигийн чуулган. УБ.,2023
- Д.Дамдинсүрэн. Хуучин зургийн цуглаврууд. Эмх.Т.Энхжаргал, А.Ундрах. УБ.2023
- Т.Энхжаргал, П.Байгалмаа.Урлахуй, шүтэхүй, гэгээрэхүй.үзэсгэлэнгийн каталог.УБ.2024
Хурал илтгэл:
- ОХУ-ын Буриад улсад зохиогдсон “Цайны зам” хуралд оролцож, музейн “Бэсрэг үзэсгэлэн” гаргаж, “Музей ба дэлгүүр” илтгэл. ОХУ-ын Буриад . 2009 он
- Орчин цагийн музей үүсний 90 жилийн ойгоор “Монголын музейн хөгжил, шинэчлэл-90” эрдэм шинжилгээний хуралд “Дүрслэх урлагийн музейн сан хөмрөгийн цуглуулгын баяжилт” илтгэл. 2014
- Masks and costumes of the Mongolian Cham in G.Zanabazar Fine Arts Museum. Costume collections in the museum of Eurasia: the study and Interpretation. Улаанбаатар 2017
- “Соёмбо судлал: оюун сэтгэлгээ, бичиг соёл эрдэм шинжилгээний бага хуралд Д.Гоомарал, Т.Энхжаргал нар “Дүрслэх урлагийн музейд хадгалагдаж буй соёмбо үсгийн дурсгал”. 2016.11.25
- СОЁЛЫН ӨВИЙН ТҮҮХИЙН ЭЭДРЭЭ: ӨНГӨРСӨН , ОДОО, ИРЭЭДҮЙ” ЭРДЭМ ШИНЖИЛГЭЭНИЙ БАГА ХУРАЛ, 2017.05.19 /Т.Энхжаргал., “Музейд хадгалагдаж буй Дүйнхорын хот мандлын судалгаанд”/
- Д.Дамдинсүрэнгийн “Хүрээ цам” хоёр бүтээлийн тухай. "Дүрслэх урлагийн академи" дээд сургууль, Монголын Уран зургийн галерейтай хамтран "Соц-Реализм Монголын дүрслэх урлагт" сэдэвт Эрдэм шинжилгээний хурал. Улаанбаатар 2021
Номын гэрэл зураг:
- Бурхач, уран зураач Д.Дамдинсүрэн. эрх.Г.Дариймаа. ред.Ж.Саруулбуян. дизайнер. Б.Эрдэнэсайхан, Ш.Эрдэнэцэцэг. орч. Г.Дэмбэрэлдорж. гэрэл зурагч Т.Энхжаргал, Л.Энхтуяа, Б.Эрдэнэцэцэг, Mr6 Paul Van Wouwe, Belgium. УБ., 2011. ISBN 978-99929-61-66-X.
- Г.Занабазарын нэрэмжит Дүрслэх урлагийн музей. Нууцын эзэн. Эмх. Г.Лхагвадулам, Ж.Мөнхзул. Хян. У.Сарантуяа, Х.Цэрэнбямба, орч. Кристина Телеки. Гэрэл зураг. Т.Энхжаргал, Б.Анхбаяр. УБ.,2015. ISBN 99962-3-879-2.
- Г.Занабазарын нэрэмжит Дүрслэх урлагийн музей. Цаглашгүй ариусан болор орд. Үзэсгэлэнгийн каталог. УБ.,2017
- Г.Занабазарын нэрэмжит Дүрслэх урлагийн музей. Дөрвөн улирлын дуу. Үзэсгэлэнгийн каталог. УБ.,2017
- Г.Занабазарын нэрэмжит Дүрслэх урлагийн музей. Музейн сан хөмрөгөөс: Хөгжмийн зэмсгүүд. УБ.,2018
- Г.Занабазарын нэрэмжит Дүрслэх урлагийн музей. Торгонд амилсан шүтээн урлаг. УБ.,2021
- Г.Занабазарын нэрэмжит Дүрслэх урлагийн музей. Дүншигийн чуулган. УБ.,2023
- Д.Дамдинсүрэн. Хуучин зургийн цуглаврууд. Эмх.Т.Энхжаргал, А.Ундрах. УБ.2023
- Т.Энхжаргал, П.Байгалмаа.Урлахуй, шүтэхүй, гэгээрэхүй.үзэсгэлэнгийн каталог.УБ.2024
Холбогдох :
Цахим шуудан: enkheeaer88888@gmail.com
Утасны дугаар: 976-96638189
- ЮНЕСКО
- Гадаад орчин төсөл
- АНУ-аас монгол улсад суугаа элчин сайдын соёлын өвийг хамгаалах сангийн төсөл
- Музейн үзмэрийн аудио хөтөч төсөл
ЮНЕСКО-с санаачилсан "Соёлын өвийг хамгаалах ба музейг хөгжүүлэх" хөтөлбөрт Дүрслэх Урлагийн Музейг хөгжүүлэх төсөл хамрагдсан юм. Хөтөлбөрийн зорилго нь хөгжингүй болон хөгжлийн шилжилтийн үеийг дамжиж байгаа орнуудын соёлын өвийг хамгаалах, музейг хөгжүүлэх, олон улсын ба бүс нутгийн хамтын ажиллагааг өргөжүүлэхэд оршино.
Тус байгууллага "Кабул, Афганистаны музейн сан хөмрөгийг хамгаалах", "Таджикстаны музейн сан хөмрөгийг хамгаалах" зэрэг төслүүдийг Азийн бүсэд хэрэгжүүлж байна.
2004-2007 онд хэрэгжүүлэх "Занабазарын нэрэмжит Дүрслэх Урлагийн Музейг хөгжүүлэх, нүүдэлчдийн соёлын өвийг хамгаалах" төсөл 3 гол ажилбарыг хамарч байна. Үүнд:
БҮРТГЭЛ, КАРТЖУУЛАЛТ- Үзмэрийн хадгалалтын байдлын талаар тайлан бичлэг бүхий бүртгэлийн тогтолцоог олон улсын жишгийн дагуу боловсронгуй болгох. "Object ID"-г ашиглэн үзмэрүүдийг тодорхойлох
ҮЗМЭР ХАМГААЛАЛТ- Үзмэрт нөлөөлөх гэрэл ба дулаан, чийгшилтийн хяналт тогтоох, сан хөмрөгийн байршил, төхөөрөмжийн шинэчлэлт хийх
СУРГАЛТ- Музейн ажилтнуудад зориулан сургалт зохион байгуулах, гадаадад сургах
Тус музейн ажилтнууд ба ЮНЕСКО-н мэргэжилтнүүд хамтран музейн үйл ажиллагааг сайжруулах арга хэмжээг хэрэгжүүлэхээс гадна урлагийн бүтээлүүдийг хамгаалахад олон нийтийг оролцуулахад анхаарлаа хандуулна.
Музейн ажил үйлчилгээний үр дүн нь үзмэр дурсгалаа сайн харж хамгаалах, өргөн олон түмэнд үзмэрээ дэлгэн үзүүлж соёлтой үйлчлэхээр хязгаарлагдахгүй.Байгууллагын дотор гадна орчны тохижилт, аюулгүй ажиллагаа, барилгын өнгө үзэмж, ухаалаг сурталчилгаа, цаг үеийн шуурхай мэдээлэл зэрэг олон хүчин зүйл манай ажлын үр дүнд нөлөөлдөг.
Бид үзэр үйлчилгээнийхээ ажлын бодит үр дүнг дээшлүүлэх, үзэгчийн сэтгэл ханамжийг улам бүр баталгаажуулах чиглэлээр хийж буй ажлын хүрээнд “Гаднах орчин” төслийг 2009 оноос хэргжүүлж байна. Энэ төслийг 3 үе шаттай хэрэгжүүлж байгаа бөгөөд энэ оны төгсгөлд бүрэн хэрэгжүүлж дуусгах юм.
- Музейн барилгын өнгө төрхийг, уламжлалт архитектурыг алдагдуулахгүйгээр шинэчилэн сайжруулах
- Барилгын эргэн тойрны хамгаалалт, техникжисэн хяналтыг иж бүрэн хэрэгжүүлэх
- Дотоод нөөц бололцоогоо ашиглан,байгууллагын орчны эмх цэгц,тав тух, аюулгүй байдлыг хангах 3 үндсэн чиглэлийн ажлыг энэ төслөөр шийдвэрлэж байна.
БСШУЯ-ны шийдвэр гарч, 2011 оноос эхлэн байгууллагын өөрийн өөрийн үйл ажиллагаанаас олсон орлогоо захиран зарцуулах болж байгаа нь төсөл бүрэн хэрэгжих нэг чухал баталгаа болж байна.
2009 оны VI сард Нүүдлийн соёл иргэншилийг судлах олон улсын хүрээлэн, ОХУ-ын Монгол, Түвд, Буддын судлалын хүрээлэнгийн Профессор А. Очир, С. В. Данилов, эрдэмтэн Л. Эрдэнэболд, А. Бураев нарын удирдсан археологичдын хамтарсан баг Төв аймгийн Заамар сумын нутаг Шороон бумбагар хэмээх газарт байх нэгэн өвөрмөц дурсгалыг илрүүлэн археологийн малтлага явуулсан билээ.
Энэ бунхныг цаг хугацааны уртад тонуулчид ухаж , олдворуудыг их хэмжээгээр эвдэж сүйтгэсэн тул анхны хэлбэр төрхөө хадгалсан олдвор цөөн тоотой үлдэж, ихэнх нь хагарч эвдрэн байршил, төрхөө алдаж, удаан хугацааны туршид газрын чийгний нөлөөлөлд байснаар, мод даавуун материалуудаар хийгдсэн зүйлс нь өмхөрч өгөршин хэврэгшиж, түүхий шавраар бүтээсэн олдворуудад задарч бутрах хэлбэрээр муудах үйл явц эрчимтэй явагдсан байв. Зарим биет олдворууд хэсэг хэсгээр задарч бутарснаар эвлүүлж сэргээн засварлах боломжгүй болсон байлаа.
2009 онд нэн даруй бэхжүүлж хамгаалах шаардлагатай олдворуудыг цэвэрлэж бэхжүүлэх ажлыг гүйцэтгэсэн бөгөөд Г. Занабазарын нэрэмжит Дүрслэх урлагийн музейн музейн ажилтнууд тусгай төсөл боловсруулан АНУ-аас Монгол улсад суугаа Элчин сайдын Соёлын өвийг хамгаалах санд хандсан нь дэмжигдсэнээр Соёлын өвийн төвийн сэргээн засварлах хэлтсийн сэргээн засварлагч урчууд С. Чинзориг, Д. Нямдорж, Б. Мягмарсүрэн, Н. Жамбал нарын бүрэлдхүүнтэй баг 2010 оны 8-р сараас эхлэн бүх олдворыг цэвэрлэн бэхжүүлж, сэргээн засварлах, анхны хэлбэр төрхт ойртуулан сэргээж босгох, цөөн тооны бүтэн олдворуудын хуулбарыг хийх зэрэг үйл ажиллагааг хийж гүйцэтгэлээ.
Одоо эдгээр түүхийн чухал олдворуудыг Г. Занабазарын нэрэмжит Дүрслэх урлагийн музейн үзмэрийн сан хөмрөгт бүртгэж авсан байна.
Музейн үзмэрийн тайлбарыг боловсронгуй, хөнгөн шуурхай болгох, шинэ техник технологи оруулж ирэх, Монголыг зорин ирсэн гадаадын жуулчдад эх хэлээр нь Монголын түүх, соёл урлагийн тухай эмх цэгцтэй, үнэн зөв мэдээлэл өгөх Монгол орноо дэлхийд сурталчлан таниулах зорилгоор Нидерланд улсын Ханхүү Клаусын Сан /The Prince Claus Fund/-тай 2012 оны 07 дугаар сарын 03-ны өдөр гэрээ байгуулж, “Музейн үзмэрийн Аудио хөтөч” төслийг хэрэгжүүлж эхэлсэн болно. Манай хамт олон төслийн үр дүнгээр эрдэм шинжилгээний бүтээл хэвлүүлэн гаргахаар төлөвлөөд ажиллаж байна.
“Музейн үзмэрийн аудио хөтөч” төслийн ач холбогдол:
Олон нийтэд чиглэсэн мэдээлэл сурталчилгааны нээлтэй, тав тухтай, соёлт үйлчилгээтэй орчин бүрдүүлэн үзэгчдийг татаж тэдэнд байнгын хүндэтгэлтэй харьцах замаар үзэгч өөрийн сонирхсон, судлахыг хүссэн чиглэлээрээ сонголт хийн үзэх боломжтой. ДУМ музейн үзэгчдэд үйлчилсэн олон жилийн туршлагаас монголд ирсэн жуулчид монголын түүх, соёлын бүхий л зүйлүүдтэй танилцах цаг багахан байдаг. Энэхүү төсөл нь гадаад, дотоодын үзэгчдэд богино хугацаанд дэлгэрэнгүй, судалгааны үндэслэл, мэдээлэл сайтай тайлбарыг мэдлэг болгон авах боломжийг өгөх юм.
“Музейн аудио хөтөч” төслийн текст бичих ажлыг ДУМ-н эрдэм шинжилгээний багынхан хийж гүйцэтгэн бэлэн болсон бичвэрийг мэргэжлийн урлаг судлаачын дүгнэлт гаргасны дараа музейн арга зүйн зөвлөлөөс хэлэлцэж, урлаг судлалын түвшинд сайн судалгааны ажил хийж бичсэн нийтэд танилцуулахад хангалттай зөвлөмж болохуйц бүтээлч ажил болж байгаа юм.
Yйл ажиллагаандаа мөрдөж байгаа хууль тогтоомж ба Засгийн газрын шийдвэр, бусад эрх зүйн акт:
НИЙТИЙН МЭДЭЭЛЛИЙН ИЛ ТОД БАЙДЛЫН ТУХАЙ
НЯГТЛАН БОДОХ БҮРТГЭЛИЙН ТУХАЙ
ГАР УРЛАЛ БОЛОН УРЛАГИЙН ЗОРИУЛАЛТТАЙ ЗҮЙЛС. МУЗЕЙН ҮЙЛ АЖИЛЛАГААНД ТАВИХ ШААРДЛАГА