Д.Алтаннавч
2017.02.13
Урлаг судлаач Д.Алтаннавч "Монголын шашны тэргүүн Жавзандамбын дүрийн тухай " сэдвийг онцлон судалгааны ажлаас та бүхэнд толилуулах гэж байна.
Монголын ард түмний тусгаар тогтнолын тэмцлийн үед Монголын шашны тэргүүн байж ард түмнээ дэмжиж байснаараа Манжийн хаанаас хор хүртэж цаг бусаар 34 насандаа тэнгэрт хальсан 2-р Богд Жавзандамбын хөрөг дүрийг газрын болон төвд нэрээр нэрлэж устгалгүй авч үлдсэн хөрөг хадгалагдан үлджээ. Түүхэн баримтанд бараг дурсагддаггүй Монголд ирээд 42-хон хоноод тэнгэрт хальсан 6 настай 6-р Богдын хөрөг болох цорын ганц бүтээл музейд хадгалагдаж байдгаараа онцлогтой.
ХХ зууны эхэн үед Монголд үндэсний эрх чөлөөний хөдөлгөөн идэвхитэй өрнөж 8-р Богд Жавзандамбыг Олноо өргөгдсөн Богд хаант Монгол улсын шашин төрийг хослон баригч хэмжээлшгүй эрхт хаанаар өргөмжилсөн явдал байлаа.
8-р Богдын гэрэл зураг, бурханчилсан хөрөг зургууд манай музейн сан хөмрөгт байдаг бөгөөд эдгээрт эхлээд бурханчилсан хөрөг зурж байсан хожим нь Б.Шаравын бүтээлд бурханлиг хүний дүр төрхийг харуулахыг эрмэлзсэн анхны алхмууд хийж байснаараа онцлогтой.
